Пірінбеков Марат Үсенұлы. Семинар ҰБТ- ға арналады// Алматы Ақшамы. 30. 03.2010 ж. №38 (4283)
Алмалы ауданы әкімінің бастамасымен алдағы ҰБТ- ға даярлық жұмыстарын жан-жақты ұйымдастыру, ҰБТ нәтижесін көтеру, осы бағытта педагогикалық тәжрибелерден ой бөлісу мақсатында «ҰБТ- оқушылардың білімі, біліктілігі және құзырлығын қалыптастырудағы басты фактор»атты семинар өтті.
Екі күнге созылған семинар жұмысына республиканың барлық аймақтарынан, сондай-ақ Ресей Федерациясының Калининград қаласынан білім беру саласының өкілдері келіп қатысты. Семинарға қатысушылардың Алмалы ауданы білім беру мекемелерінің тыныс-тіршілігімен жақынрақ танысуға қызығушылық танытуы тегін емес. Бұл ретте Алмалы ауданының мектеп түлектері тек Алматы қаласының ғана мақтанышы емес, еліміздің де абыройын қорғап жүр. Осы ауданның мектеп бітіруші түлектері бүгінде шет елдерде білімін жалғастырып, «Болашақ» бағдарламасы арқылы оқып жатыр.
Мәселен, биылғы жылғы республикалық байқауға қатысқан 25 ғылыми жобаның 17-сі жүлделі орынға ие болса, барлығы дерлік Алмалы ауданы мектептерінен. Бір жыл ішінде аудандық байқаулардан - 1796, қалалық пәндік олимпиадалардан -151 жүлдегер шықты.
Осынау бір ауданның табысын 20 минуттық бейнефильм арқылы тамашалаған семинар қонақтары өз ризашылықтарын білдіріп, сөз кезегін алды.
Бұл ретте олар Алматы мектептерінің бастауыш сынып оқушыларының ыстық тамақпен қамтылғанына, дәстүрлі «Жыл мұғалімі» сынды байқаудың тұрақты өткізіліп отыруына, білім саласы қызметкерлеріне жасалып жатқан басқа да жеңілдіктерге қызығушылық танытты.
Алмалы ауданындағы ҰБТ- ға дайындық барысында ұйымдастырылған семинар жұмысы №90 физика-математика лицейіндегі «Дөңгелек үстелге» жалғасты. Онда семинарға қатысушылар оқушылардың ҰБТ- ға даярлығын, алдын-ала жасалып жатқан ұйымдастыру жұмыстарын, т.б. мәселелерді талқылады.
Осы жиын барысында қорытынды жасалып, ұсныстар қабылданды. Тұс ауа семинар қонақтарын Алмалы ауданының әкімі Марат Пірінбеков қабылдап, аудан көлемінде атқарылып жатқан шаралардан хабардар етті. Және барлық қонақтарға Алматы тарихын баяндайтын естелік кітаптар тарту етіліп, алдыңғы қатардағы білім шаңырақтарын аралатты.
Текст: Рая Ескендір
Сканерден өткізілген нұсқасы
Пірінбеков Марат Үсенұлы. Семинар ҰБТ- ға арналады// Алматы Ақшамы. 30. 03.2010 ж. №38 (4283)
Бет 1
