Пірінбеков Марат Үсенұлы. Алматының Алмалы ауданы үш егіз туылған жас отбасын құттықтады// «Литер» республикалық қоғамдық-саяси газеті. 18.03.2010

Алмалы ауданының әкімі Марат Пірінбеков Алматы қаласы ІІД криминалды полиция майоры Шая Ибрагимовты отбасының көбеюімен құттықтады. Шая мен Феруза Ибрагимовтардың жас отбасында ақпанның 8-і күні үш егіз: бір қыз және екі ұл дүниеге келді.   

Аудан басшысы Шая Ибрагимовты жеке кабинетінде қабылдап, жас әкені отбасының көбеюімен құттықтады. Марат Пірінбеков жас отбасына игілік, денсаулық және бақыт тіледі.  

Алмалы ауданында 2010 жылдың екі айы ішінде 826 сәби дүниеге келген. Ибрагимовтардың үш егізі биылғы жылғы аудандағы алғашқылары, өткен жылы алты жас отбасында үш егіз дүниеге келген болатын. 

Алмалы ауданы әкімінің атынан бақытты ананы әлеуметтік сала бөлімінің бастығы Ынты Биарыстанова құттықтады.

Ынты Биарыстанова жас отбасын уақытша өмір сүріп жатқан Шая Ибрагимовтың ата-анасының үйінде құттықтап, сыйлықтарын тапсырды. Сәбилерге коляска, жаңа туылған сәбилерге арналған жиынтық, жөргектер және киім жиынтығын сыйға тартты. 

Жас ананың айтуынша, сәбилердің үшеуі де өздерін жақсы сезінуде. Сіңлісінің және екі інісінің дүниеге келгеніне төрт жастағы Исма да қуанышты.  

Бүгін, Ибрагимовтардың тату-тәтті отбасында ерекше салтанатты мереке, кешкілік Шая мен Ферузаның туған-туыстары, жақындары мен достары Баразни, Талабани және Гүлшанның туылғанынан бері қырық күндігін атап өту үшін бір дастарханның басына жиналады.

Пірінбеков Марат Үсенұлы. Алматының Алмалы ауданы үш егіз туылған жас отбасын құттықтады// «Литер» республикалық қоғамдық-саяси газеті. 18.03.2010