Алғыс хат. Баһаргүл Төлегенқызына Мәдениет және ақпарат министрі Мұхтар Абрарұлы Құл-Мұхаммедтен

Алғыс хат
Баһаргүл Төлегенқызына
Мәдениет және ақпарат министрі Мұхтар Абрарұлы Құл-Мұхаммедтен
Мұхтар Абрарұлы Құл-Мұхаммед  Мәдениет және ақпарат министрі
010000, Астана қ. Орынбор к-сі 8, Министрліктер үйі

Құрметті Баһаргүл Төлегенқызы!

Сізді өз атымнан және Мәдениет және ақпарат министрлігі атынан бүгінгі  «Жүрегімде - Отаным» атты этно-жәдігерлер көрмесінің ашылуымен шын жүректен құттықтаймын.

Сізді тәуелсіз мемлекетіміздің тарихын, ұлттық өнері мен салт-дәстүрін кеңінен насихаттап, қастерлеп жүрген қайраткерлердің бірі ретінде танимыз.

Бүгінгі көктемнің алғашқы күндері ашылып отырған бірегей қолөнер туындыларының көрмесі, өскелең ұрпақты эстетикалық тұрғыдан және парасаттылық пен азаматтық рухта тәрбиелеуге өзіндік үлесін қосады деген сенімдемін.
Қадірлі Баһаргүл Төлегенқызы! Ұлтымыздың қолөнер бұйымдарын насихаттауға қосқан зор үлесіңізге алғысымды білдіре отырып, отбасыңызға бақыт, деніңізге саулық, жаңа шығармашылық табыстар тілеймін.

Құрметпен, Мұхтар Құл-Мұхаммед